Bus turistikoaren Ondarreta geralekua Antigua auzoko izen bereko hondartzara eramango zaitu. Donostiako hiru hondartzetako bat da, eta, Kontxa eta Zurriola bezala, hiriaren mendietako baten azpian dago. Oraingo honetan, Igeldo mendiaren azpian.
Bere muturretan, hiriaren beste bi ikono aurkituko dituzu: Haizearen Orrazia eskultura, Txillidarena; eta Loretope, Kontxako badia bere bi hondartzetan banatzen duen harrizko irtengunea. Begiratoki bikaina da toki hori ere. Aurrez aurre, Santa Klara uhartea aurkituko duzu.
Ondarretako hondartzak kilometro erdi baino gehiagoko luzera du, eta, luzeegia ez bada ere, zabalera handia du, bainulariek itsasgorarekin ere leku horretaz gozatzen jarrai dezaketeelarik.
Geraleku honetan jaitsi nahi duzu? Gogoan izan bus turistikora igo zaitezkeela berriro!
